خاص | أول رد من غادة إبراهيم على دينا الراقصة: «مش هطلع ترند وشعري مبلول»

ردت الفنانة غادة إبراهيم على ما تلقته من انتقادات حادة من الراقصة دينا، وصفتها الأخيرة بأنها تسعى للترند قائلة: "في ناس بتحب تعمل تريند، بس تريند على حساب ميت! وده سمير صبري، يعني قيمة فنية".

وقالت غادة إبراهيم في تصريح خاص لـ بوابة "مصر 2030": "أنا علاقتي بدينا أكتر من رائعة ومصدقش أصلا إنها تقول كلام زي ده أبدا، خاصة أن كان واقف معايا وقتها صحفيين ومصورين عند باب الخروج، وشافوا، وسمعوا الأخت بنت شلبي اللي جات وحشرت نفسها في حوارنا، وقالت كلام سخيف ملوش أي لازمة وتسببت في كل التوتر إلى حصل ده".

وأضافت غادة: "وهو الترند بيتعمل في الجنازة وأنا شعري مبلول ومش عاملة كوافير ومن غير ماكياج ومعيطة وصايمة وعندي هبوط وشكلى تعبان ؟؟ على الأقل أوضب شعرى وشكلي وأستعد، فعلا لا تعليق !! اللى عايز يصدق يصدق واللى مش عايز ربنا يتولاه برعايته".

وأردفت: "محدش يقدر أبدا يزايد على حبي وحزني على سمير صبرى الله يرحمه"، مؤكدة: "ومعروف كويس مين في الوسط ده إلى بيسعوا للترند ومقدس عندهم.. أنا بعيدة كل البعد عن الحركات دى مش بتاعتى وليها ناسها !!".