إعلامية شهيرة: والدتي متعرفش إني بوظت الجوازة وفكراني بقضي شهر العسل.. فيديو

روت الإعلامية سما أحمد، تفاصيل انسحابها وقت عقد قرانها، وعدم إتمام زواجها قبل ساعة من عقد الزواج، قائلة:" أقدمت على الزواج رغبة في إرضاء أمي بعد إصابتها بالجلطة الدماغية، والتي تسببت لها في شلل وعدم النطق".

وأضافت أحمد، خلال حوارها ببرنامج " الستات "، والمذاع على فضائية "النهار"، قائلة : " أمي هي نقطة ضعفي، وهي كل حاجة في حياتي وكانت عاوزة تطمن عليا، وطلبت مني أتجوز وتفرح بيا قبل ما تموت فوافقت عشان أرضيها" .

وتابعت:" أمي قالت لي جوازك هيعجل من شفائي، معقبة:" كل تفكيري أن كنت عاوزه أعمل اللي يسعدها على حساب نفسي، ووقتها تقدم عريس كانت معرفتي به سطحية جدا، وأمي طلبت منها الزواج بسرعة دون خطوبة عشان ظروف مرضها".

وأكملت : مفكرتش في نفسي وكنت عاوزة أشوف الفرحة في عيون أمي، وجبت فستاني، وعزمت صحاب الإعلاميين وتفاجأوا بالقرار، والمأذون كان وشي مخطوف ومقعدتش جمبه دقيقة، ومحستش بلغة حوار بينا، ومجرد ما فتح المأذون الدفتر اترعبت، ونفسي اتكتم العريس قالي مالك قولت له أنا أسفة مش هينفع أكمل".

وأردفت:" أمي متعرفش اللي حصل وإني بوظت الجوازة وفكراني متجوزة وبقضي شهر العسل دلوقتي".