«إنت مش عارف بتدرب مين؟».. نجم الأهلي السابق يوجه رسالة شديدة اللهجة إلى بيتسو موسيماني

انتقد نجم الأهلي السابق، محمد عبد الجليل، ما فعله مدرب الأهلي بيتسو موسيماني بالتقاط الصور مع اللاعبين في المغرب رغم هزيمته للأهلي.

وقال عبد الجليل، خلال لقائه عبر برنامج رقم 10، المذاع على القناة الأولى المصرية: "أنا شايف إنه مش عارف هو ماسك نادي إيه، وللأسف هما اللي سمحوله بكده، إنت خسران بطولة إفريقيا، إنت جاي تتعلم؟".

وتابع: "يا جماعة ده المصري السلوم ممكن يكسب الأهلي، بالطريقة دي موسيماني مش هيكمل، أداءه وحش من زمان واللاعيبة كلها بتشتكي".

وأكمل: "المشكلة إن الوحيد اللي كان سانده هو كابتن الخطيب"، مضيفًا: "إنت مش عارف إنت ماسك نادي إيه، ده أكبر نادي في إفريقيا، أنا مش بديلك دولارات عشان تروح تتعلم وتجيلي".