مفيدة شيحة تحذر الرجال من الخيانة الزوجية.. والسبب: «أنت مفقوس»

كشفت الإعلامية مفيدة شيحة، عن الأسباب التي تدفع الرجل إلى خيانة زوجته.

وقالت شيحة، خلال برنامج "الستات"، المذاع على قناة النهار: "الراجل مبيحطش احتمالات المشكلة، عنده من القوة والجراءة وأنه إيه يعني أقدر أعمل حاجات كتير".

وأضافت: "الراجل بيدخل في علاقة هو مش عارف نهايتها إيه، ويتعلق بالشخص ده ويحب ويتعود، فهنا هو بيتفقس، ومفيش راجل مبيتفقسش ومراته بتعرف أنه بيخونها".

وتابعت: "أقسم بالله كل راجل بيخون مراته، أنت مفقوس سواء هي كلمتك أو لا، قررت تهد المعبد أو لا".

وأكملت موجهة حديثها إلى الزوجات: "مينفعش تعملي نفسك مش واخده بالك، الستات في المجتمع بتاعنا ممكن متتكلمش، حتى لو عارفه أن جوزها بيخونها".

وأشارت: "في اعتقاد أن اعتراف الست بالخيانة بيقلل منها، ويبين أنها ضعيفة، والناس هتشمت فيها، وكرامتها قدام الآخرين هتقل".

وأكدت أن: "الرجل يخون، وهو لا يشعر أنه يفعل شيئا خاطئا، حتى تعرف زوجته، هو بيكون فاكر أن ده مغامرة وتعلق".