شاهد.. تعليق ناري من رضا عبد العال على اختيار إيهاب جلال لقيادة المنتخب

علق الكابتن رضا عبد العال، نجم النادي الأهلي ومنتخب مصر السابق، على عدم اختيار اتحاد الكرة لحسام حسن مديرا فنيا، قائلًا: "عشان بيعشقوا الفشل".

وقال عبد العال، خلال استضافته ببرنامج "كلام الناس"، المذاع على قناة إم بي سي مصر: "مجابوش ليه حسام حسن، هما بيجروا على الفشل بقطر وطيارة عشان يطيروا"، مضيفًا: "خايفين من حسام حسن، معرفش ليه، لو عندي إجابة هقول مبخافش".

وتابع: "مسئولين الكرة في مصر بيجروا ورا الفشل، أنا قولت يجيلنا خبير بجد، وواحد ينظملنا الفريق، لكن محصلش، للأسف الفكر اللي موجود فكر عقيم وليس متطور".

واختتم عبد العال حديثه: "فاقد الشيء لا يعطيه، ومع كل احترامي لجمال علام، لكن هو مش لاعب كرة هيحس باللاعب إزاي، والمدرب والإداري ويديرها إزاي".