رضا عبد العال يهاجم إيهاب جلال: «ده عايز فرصة بعجوة!»
اعترض الكابتن رضا عبد العال، على اختيار إيهاب جلال لقيادة منتخب مصر، قائلا: "أنا ضغطي واطي من يوم ما جه".
وقال عبد العال، خلال استضافته ببرنامج "كلام الناس"، المذاع على قناة إم بي سي مصر: "أنا ضغطي واطي من يوم ما إيهاب جلال جه مش عايز ينزل لا هو ولا السكر، قعدنا نتكلم كتير، ومفيش فايدة كأنك بتنفخ في قربه مخرومة".
وأضاف: "مستقبل الكرة في مصر إيه اللي بتتكلموا عنه، لما روحتوا تجيبوا إيهاب جلال".
وأكمل عبد العال: "وفرصة إيه اللي محتاجها، ده محتاج فرصة بعجوة، هي باينة، لا راجل لعب دولي ولا له تاريخ دولي، ولا له أي بصمة مع أي فرقة في مصر، ده مخدش أي كأس حتى".
واختتم حديثه: "ليه سايبين حسام البدري وحسام حسن، ونروح للفشلة".
