عمرو أديب يفتح النار على اتحاد الكرة: «إيه العشوائية اللي أنتوا فيها دي؟»
انتقد الإعلامي عمرو أديب، أداء اتحاد الكرة في مصر، وعدم وجود نظام محدد يسيرون عليه.
وقال أديب، خلال برنامجه "الحكاية"، المذاع على قناة إم بي سي مصر: "اللاعيبة تعبانين ومرهقين أو تعبانين نفسيًا طب هاتولهم دكتور نفساني".
وتابع، موجهًا حديثه لاتحاد الكرة: "أنتوا ناويين تسيبوها كده، ولا هتغيروا، يا تقفوا دلوقتي يا خلاص، لكن إيه العشوائية اللي أنتوا فيها دي، أنتوا مخططين لحاجة جايبين مدرب، عارفين اللاعيبة عاملة إزاي؟".
وأكمل: "لو أنتوا بتوع ماتش وماتش يبقى اتحاد الكرة ده يستقيل ويمشي، إحنا عندنا مشكلة ولازم المشكلة تتحل، ويبقى في حل واضح ويقوم على الأمر حد بيفهم فيه، هل مصر مفيهاش حد بيفهم في الكورة، هل مصر مفيهاش لاعيبة؟".
