مش هتصدقوا.. تعرف على جواسيس اتحاد الكرة

وجه أحمد حسام ميدو، رسائل نارية لأحمد مجاهد، رئيس اتحاد الكرة المصري السابق، مشددًا على أنه يزرع جواسيس داخل الجبلاية من أجل العمل على تدمير الكرة المصرية.

قال ميدو في تصريحاته عبر برنامج الريمونتادا على قناة المحور: "أحمد مجاهد بيتكلم وكأن الشعب المصري عنده زهايمر، الشعب المصري مش هينسى إنكم قعدتوا 15 سنة في إدارة الكرة المصرية ومحصلش تطوير".

أضاف: "مجاهد بيقول إحنا مستعدين نساعدكوا تساعد مين؟ إنت محتاج تساعد نفسك، محتاج تبص في المراية، الموظفين في الاتحاد الإفريقي المصريين تمت إقالتهم تحت نظر مجاهد وهاني أبوريدة، وتم تسليم مصر للمغرب، وفوزي لقجع بقى بيحرك الكرة الإفريقية بمزاجه، وأبوريدة ومجاهد اتفرجوا عليه".

وختم حديثه قائلًا: "عايز تقعد يا مجاهد تقول إيه، الموضوع باين ومفضوح، إنتوا اللي زرعتوا الجواسيس في اتحاد الكرة عشان تدمروا الكرة المصرية أكتر، كفاية زرع جواسيس".