سيد علي لـ «حازم إمام»: ما تستقيل يا أخويا ولا عايز تعمل بطل- فيديو

علق الإعلامي سيد علي، على استقالة عضو مجلس اتحاد الكرة، حازم إمام، بعد خسارة المنتخب من كوريا الجنوبية اليوم الثلاثاء.

وقال علي، خلال برنامجه "حضرة المواطن"، المذاع على قناة الحدث اليوم: "الآن حضراتكوا قدمتوا استقالة محترمة وستكون مقدرة وابتعدوا بقا".

وأضاف: "لازم نجيب وجوه فاهمه كوره بقا، كل شوية يقولك حازم إمام استقال أو مستاقلش، ما تبطلوا تمثيل علينا بقا".

وتابع: "مستقالوش ليه قبل كده، هؤلاء خدوا كل حاجة في الدنيا، حاجات مكنتش يحلموا بيها، واه بحسدهم".

وأكمل موجهًا حديثه لحازم إمام: "ما تقدم يا أخويا استقالتك، ولا أنت عايز تعمل بطل"، مضيفًا: "كلكم هتجيبوا المسألة عند إيهاب جلال؟ ياعم أنت بتتكلم عن اتحاد كرة مصر!".

وواصل: "الأفضل أن هذا الفريق يتم تسريحه ونجيب مدرب يقدر يعمل المسألة، يمشي اتحاد الكرة واللي جاب الاتحاد".