أحمد موسى عن خسارة المنتخب أمام كوريا: «ده تهريج»

علق الإعلامي أحمد موسى، على خسارة منتخب مصر اليوم الثلاثاء، أمام منتخب كوريا الجنوبية، في المباراة التي جمعتهما معًا.

وقال موسى، خلال برنامجه "على مسئوليتي"، المذاع على قناة صدى البلد: "كوريا عندها خطة معينة بيلعبوا بيها، لكن إحنا واقفين نتفرج على 38 تمريرة للمنتخب الكوري".

وأضاف موسى: "أكتر من 150 ثانية وإحنا واقفين نتفرج، دي مسألة خطيرة جدًا، والكابتن إيهاب جلال بيفكر في الاستقالة ولا هيروح أمريكا".

وتابع موسى: "نص اللاعيبة اللي بيلعبوا منعرفش بيلعبوا في أنهي نادي، ده تهريج، هو لازم حرقة الدم وتعب الأعصاب".

وأكمل: "المنتخب الكوري استحوذ بشكل كامل على المباراة، فارق السرعات والمهارات موجود، كل ده كان باين في الملعب، كوريا لو بتلعب اللعب اللي بتلعبه كانت فازت 7 أو 8 علينا".

وواصل: "أنا كنت قاعد أتفرج وأقول كفاية بقا يا حكم خلصنا، إحنا مش ناقصين".