أحمد موسى منفعلًا: «أستراليا رايحه كأس العالم وإحنا عندنا لاعيبة مش عارفه تباصي الكرة»
انفعل الإعلامي أحمد موسى، على الهواء، بسبب الأداء المخزي لمنتخب مصر أمام منتخب كوريا الجنوبية.
وقال موسى خلال برنامجه "على مسئوليتي"، المذاع على قناة صدى البلد: "إزاي اللاعيبة هتتعامل مع مدير فني مشيناه، ما القرار خلاص طلع، الكلام كان واضح جدًا، وأستاذ جمال علام كان هيعلن بشكل رسمي لولا أن في ماتش، إحنا عايزين إصلاح لمنظومة".
وأضاف: "الدول بتعمل كده، في دول بتسرح كله وتبني من جديد، وتطلع من الأجيال الموجودة عندها، هي دي الناس اللي بتفكر".
وتابع موسى: "مفيش حد بيرشح حد في المرة، مفيش كده في الرياضة، في حاجة اسمها الأفضل".
وأكمل: "أستراليا بتلعب مع بيرو انبارح، ودي التذكرة قبل النهائية للذهاب إلى كأس العالم، حارس المرمى الأسترالي بيرقص على الخط، وهي ضاربة لو صدها هيروح كاس العالم".
وواصل: "بيرو مش عارف يشوط الكرة فين، هما دول اللاعيبة اللي بتحافظ على اسم بلدها، مخافوش عشان يوصلوا لكأس العالم، لكن أنت عندك لاعيبة مش عارفه تباصي الكرة فين".
