هعيش هنا.. حمو بيكا يكشف تفاصيل تواجده بدبي - فيديو

كشف مطرب المهرجانات حمو بيكا، تفاصيل ترك مصر وإقامته في دبي، قائلا: "أنا سبت مصر حاليا ومقيم في دبي بشكل كامل".

وأضاف بيكا خلال اتصال هاتفي لبرنامج "كلام الناس" المذاع عبر فضائية "إم بي سي مصر"، مع الإعلامية ياسمين عز، مساء اليوم الخميس، قائلا: "أنوي الاستقرار بمعيشة كاملة بها بسبب أزمتي الأخيرة مع نقابة الموسيقيين".

وتابع: "أنا قررت أعيش في دبي بشكل كامل عشان أعرف أشتغل"، معقبا: "نفسي أرجع مصر تاني، لكن النقابة وقفتني عن العمل ومش عارف اشتغل، أنا بعاني بقالي 6 سنوات مع النقابة وكل شوية مشاكل، ومعرفش أنا موقوف ليه، علشان كدا قررت أعيش في دبي عشان أشتغل".

وأكمل: "أنا بقالي شهر قاعد في دبي، ونفسي أنزل بلدي مصر وحشتني وعايز أشتغل في بلدي"، مؤكدا أنه يوجد التماس مقدم لنقابة المهن الموسيقية، معقبا: "فيه احتمال كبير إن النقابة تقبل الالتماس وأرجع بلدي أنا صعبان عليا نفسي وعايز بلدي وهي كمان عايزاني".

وفي سياق آخر، وجه بيكا عدة نصائح لطلاب الثانوية العامة قال خلالها: "الإنسان من غير تعليم ميساويش حاجة، أنا عرفت قيمة التعليم بسبب موقف محرج تعرضت له"، معقبا: "الطيارة فاتتني بسبب إني مش عارف اقرأ حاجة".