ابعدي عنها.. أقمشة تزيد الشعور بارتفاع درجات الحرارة في الصيف
قدمت سماء شريت، لايف ستايلست، مجموعة من النصائح في اختيار الملابس التي تحمي الشخص من الإحساس بالحرارة في فصل الصيف.
وقالت شريت، خلال استضافتها ببرنامج "السفيرة عزيزة"، المذاع على قناة دي إم سي: "هناك نوع من الأقمشة الخفيفة الوزن، ولكنها تعطينا الإحساس بالحرارة بشكل كبير، وفي نوع من اللبس الصوف بيتلبس في الثلج وزنه خفيف، وفي ناس لو معندهاش خبرة ممكن تقول دي خفيفة تبقي صيفي وده مش حقيقي خالص".
وأضافت: "ده حسب تكوين النسيج الخاصة بالقماش، وأي بلوزة بنشتريها بيبقى فيها تكت بيكون فيه كل المعلومات عن قطعة اللبس ده من حيث بلد المنشأ وكمية ونوع النسيج".
وأكملت: "مينفعش حد يعجبه لبس شكله حلو يشتريه وخلاص، كدا غلط لأن ممكن يكون عندي حساسية من خامات معينة، وممكن خامات معينة تتفاعل مع جسمي وتعمل روائح كريهة مهما كنت نظيفة ومدى اهتمامي بنظافة جسمي".
