بعد مهاجمته.. موافي: «يعني لو اتكلمت عن المثلية يبقى حرية شخصية؟»
رد الدكتور حسام موافي، أستاذ الحالات الحرجة بـ طب قصر العيني، على ما نسب له بأنه قال "لا يوجد ما يسمى بالأمراض نفسية".
وقال موافي، في مداخلة هاتفية لبرنامج "على مسئوليتي"، المذاع علة قناة صدى لبلد: "هل يعقل إن أنا أقول مفيش حاجة اسمها أمراض نفسية، والله ما في حد بيكتب أدوية أمراض نفسية أكتر مني في مصر".
وتابع: "ده تزييف للحقائق، وأنا مزعلتش لأني متعود منهم على كده، لما أقول للمتدين أنت أقل عرضة للإصابة بالأمراض النفسية، إيه الغلط في كده".
وأكمل: "لم أصرح بأن الإنسان المؤمن لا يصاب بالأمراض النفسية، لكنني قلت إنه أقل عرضة، ولا أقصد المتدين بالمسلم فقط، لكني أقصد المسلم والمسيحي أيضًا".
وواصل: "لا أنكر وجود علم الأمراض النفسية مطلقا ولم ألمح لهذا الأمر حتى"، مضيفًا: "يعني لو اتكلمت في الحجاب يبقى ممنوع، ولو اتكلمت عن المثلية يبقى حرية شخصية، هو ده اللي حصل معايا".
