«فاتن حمامة الجيل بتاعنا».. إعلامية شهيرة تقصف جبهة منتقدي ياسمين صبري
هاجمت الإعلامية ياسمين عز، منتقدي الفنانة ياسمين صبري، ودافعت عنها بعد تعرضها لهجوم عبر مواقع التواصل الاجتماعي.
حيث قالت خلال تقديمها برنامج «كلام الناس»، المذاع عبر فضائية «إم بي سي مصر»: «دي فاتن حمامة الجيل بتاعنا».
وأضافت «عز»، قائلة: «الناس بتتكلم عن ياسمين صبري وعن مسلسل الشادر اللي اعتذرت عنه في هدوء تام، ومن غير ما تذكر الأسباب»، متابعة: «من حقها.. من حق أي فنان إنه يعتذر عن عمل».
وتابعت: «مينفعش حد يطلع يقول إنها لم تعتذر وأنه تم استبعادها، لأنها غير مناسبة للشخصية أو مش هتعرف تعمل الدور دا مينفعش وغير مقبول».
وواصلت: «أما نيجي نتكلم عن ياسمين صبري مينفعش نقول كدا دي مش ممثلة جديدة».
وتابعت: «فيه حملة بتتعمل على الفنانة ياسمين صبري بقالها فترة ومش عارفين سببها مين ولا مين وراها، ومش قادرة أفهم سر شماتة البعض فيها بهذه الطريقة».
وأضافت ياسمين عز: «مينفعش نقول إنها اعتذرت عن مسلسل الشادر لأنها مش مناسبة للدور أو مش عارفة تمثل.. الكلام دا عيب في حق نجمة كبيرة زي ياسمين صبري بقالها كتير بتمثل».
وأردفت: «ياسمين صبري نفس مدرسة فاتن حمامة في التمثيل وبتمثل بهدوء زيها، ودلوقتي اتطورت أكتر وحرام نقطع فيها وننتقدها كدا وتقدر تمثل كل الأدوار.. ولا عشان في حالها يبقى حقها مُستباح؟».
