ابنه عم «نيرة أشرف» تقلب الموازين بمفاجأة جديدة عن المتهم «فيديو»
كشفت ابنة عم الطالبة نيرة أشرف، فتاة جامعة المنصورة، تفاصيل جديدة عن المتهم بذبح زميلته أمام أبواب الجامعة، وتحت أعين المارة.
وقالت زينة، في مداخلة هاتفية لبرنامج "من الجاني"، المذاع على قناة الحدث اليوم: "اللي بيحصل على السوشيال ميديا تاعبنا كلنا، أي صور خارجة ليها بتأذيها، أرجوكوا كفاية، اذكروا محاسن موتاكوا، أمها منهارة جدًا بسبب اللي بيحصل على السوشيال ميديا".
وأضافت: "نيرة حظها وحش وقع في البني آدم ده، عرفته معرفة سطحية عشان الأبحاث في فترة الكورونا، لكن الحب مش بالعافية، وهي تحتسب عند الله شهيدة، إحنا عايزينه يتعدم بس".
وتابعت: "كان كلامها عادي، بتلبس وبتروح وبتيجي، معملتش في حسابها أن ده هيكون بجد، لأنه بقاله سنتين بيهوش، وبيهدد".
وأكملت: "كان عايزها ليه لوحده، بيهددها في كل مكان، وبيعمل حاجات مش كويسه، هو أكيد مش مريض نفسي، من أول كورونا كان بيعملها أبحاث، ونظرات حب وإعجاب، بس هي لم ترتبط به وكانوا زمايل فقط".
وأردفت زينة: "مش مريض نفسي، واستحالة يكون كده، اللي بيخطط من رمضان أنه بيدبحها ويقتلها كده، مش مريض، نيرة كانت فاكره أنه بيهدد عادي، وهي قلبها جامد وكانت عايشه حياتها".
وأعلنت أجهزة الأمن ضبط المتهم في حادثة المنصورة، قبل تمكنه من الهروب، وتبيَّن أن الفتاة تدعي (نيرة أشرف من المحلة، وكانت تدرس في جامعة المنصورة).
وتبيّن أن سبب إقدام صديقها (محمد .ع) على قتلها هو معرفة سابقة بينهما؛ إذ كانا يدرسان معًا في المرحلة الثانوية وصولًا للمرحلة الجامعية، كما أنهما من محافظة الغربية.
وأثبتت التحريات أن المتهم في حادثة المنصورة، قام بذبح زميلته بسبب خلاف حدث بينهما داخل الأتوبيس أثناء ذهابهما إلى الجامعة، وأنه فور نزولهما من الحافلة لاحقها من الخلف وسدد لها عدة طعنات في جسدها، قبل أن يسدد لها طعنة في الرقبة أردتها قتيلة على الفور.
