رضا عبد العال منفعلًا: «كيروش راجل فاشل عايزين يرجعوه ليه؟» - فيديو

أكد الكابتن رضا عبد العال، أنه لا يمكن عودة كيروش كمدرب للمنتخب مرة أخرى، قائلًا: "كيروش ده راجل فاشل".

وقال عبد العال، في مداخلة هاتفية لبرنامج "كلمة السر"، الذي يقدمه الإعلامي خالد ميري، على قناة صدى البلد: "كيروش مينفعش يرجع ده فاشل، أنا عايز أعرف هيرجعوه ليه، مش عارف عاوزين يتعاقدوا معاه تاني ليه؟".

وأضاف في حديثه عن إيهاب جلال: "هو إيه اللي جابه أصلًا مجيه مكنش صح، ولا اختياره كان صح، هما ضحوا بيه عشان يقعدوا، كانوا لسه بيولولوا من أسبوعين، طب ما كان من الأول، دلوقتي بتدوا الملف عشان نجيب كيروش".

وتابع: "الأحسن يكون ترزي أول ييجي يعلمنا، إحنا معندناش مدربين في مصر، هي دي الحقيقة، هما أهانوا المدرب المصري لما جابوا إيهاب جلال".

وأكمل: "الأجنبي هو الأصلح لقيادة الفراعنة، إحنا مشوفناش فشل زي اللي شوفناه ده".

وواصل عبد العال: "إحنا عايزين روح وقلب وشخصية قوية، اللاعيبة لما قعدوا مع بعض وصلنا لأفريقيا من غير مدرب، بعد ماتش نيجيريا".

وأكد: "عدم وضع حسام حسن في اختيارات المدير الفني للمنتخب واختيار إيهاب جلال إهانة للعميد".