مفيدة شيحة: «الولد مش هو الحاكم الناهي في البيت».. فيديو
قالت مفيدة شيحة، إنه من المهم تربية الأبناء على التصرفات الصحيحة منذ الصغر، وعدم تحقيق كل مطالبهم.
وأضافت، خلال برنامجها "الستات"، المذاع على قناة النهار: "إحنا محتاجين نحدد مشاعرنا صح تجاه الآخرين، مينفعش نشجع البنت على تقبل أسلوب معين على أنه حب".
وتابعت: "مينفعش لو الولد فاكر في أي وقت من الأوقات أنه بيحبها أو متعلق بيها يبقى لازم تقبل".
وأكملت: "يجب أن يدرك الولد أن الطرف الثاني شخص مستقل له مشاعره الخاصة، والمرأة كائن له مشاعره وخصوصياته، ولازم نزرع في الولد احترام الآخر، مش كل حاجة عايزها أجيبها له".
وتابعت: "الأم يجب أن توعي الولد جيدًا أنه لازم يأخد باله من البنت، ومفيش معاكسة للجار، ومش من حقه برده يتدخل في لبس أخواته البنات بشكل سيء، الولد مش الحاكم الناهي في البيت لأنه ولد".
