حورية فرغلي تكشف عن حالتها الصحية مؤخرًا وإصابتها بـ «خراج» - فيديو

كشفت الفنانة حورية فرغلي، عن حالتها الصحية، بعدما أصيبت بـ "خراج" في قدمها.

وقالت حورية، في مداخلة هاتفية لبرنامج "كلام الناس"، المذاع على قناة إم بي سي مصر: "طلع لي خراج في رجلي، وأما روحت للدكتور قالي لازم أشيله دلوقتي، والحمد لله هو حاجة بسيطة".

وأضافت: "الخراج طلع لي لأن واحدة قالت لي، أنتي رجلك حلوة، فاتحسدت علطول".

وعن علاقتها بـ الفنان منذر رياحنة: "عمري في حياتي ما قابلت حد زيه، من أكتر الفنانين اللي ارتحت في التعامل معاهم، أول ما شفته حسيت إني أعرفه من زمان".

وتابعت: "هو ممثل هايل، من أنضف الأشخاص اللي ممكن أشتغل معاهم".

وحول شائعة ارتباطها، قالت: "لقيت بابا بيكلمني من الكويت بيقولي يعني ينفع تتجوزي من ورايا، وبيقولوا أنا عايشه قصة حب، لو في حد في حياتي، أول حد يعرف هو جمهوري هبقى فخوره بيه، وكل الناس لازم تعرفه".