بعد إيقافه.. محمود التهامي يفتح النار على هاني شاكر: «ما يرد علينا هو إحنا قليلين!»

علق المنشد محمود التهامي، على قرار نقابة الموسيقيين بإيقافه، مؤكدًا أنه نوع من الابتزاز، لأنه يقف وراء تقدم أحد النواب بمشروع قانون لإنشاء نقابة للمنشدين.

وقال التهامي، خلال استضافته ببرنامج "آخر النهار": "زوروا واقعة ليا غير حقيقية لابتزازي عشان معملش نقابة للمنشدين، هما مش مستوعبين يعني إيه كلمة إيقاف وتحقيق، وأنا بقول لأهالي محافظة أسوان، في شهر 12 كله أنا كنت في محافظة اسوان، اللي شافني أو معاه ما يثبت ده يطلع يرد".

وأضاف التهامي موجهًا حديثه لنقيب الموسيقيين، هاني شاكر: "هو إحنا قليلين عشان ميطلعش يتكلم معانا، ما بيطلع مع حسن شاكوش وبيكا، ما يطلع يدافع عن المهزلة دي".

وتابع: "أنا روحت أسوان اتهمت لجنة العمل اللي اتهمتني بالواقعة، وروحنا نقابة الموسيقيين عشان يحلوا المشكلة مش فاضيين".

وأكد التهامي: "البرلمان سيد قراره، ولو شايفين إننا محتاجين لقانون ونقابة هيشرعوا القانون".