هنادي مهنا تكشف السبب الحقيقي وراء زيادة وزنها - «فيديو»

كشفت الفنانة هنادي مهنا، عن السبب الحقيقي وراء زيادة وزنها، خلال حوارها لبرنامج "كلمة أخيرة" الذي تقدمه الإعلامية لميس الحديدي على قناة "ON".

حيث أوضحت، خلال الحوار، أنها كانت في أسبانيا خلال فترة الجامعة تتحرك بشكل كبير وكانت رشيقة.

وأضافت خلال حوارها لبرنامج "كلمة أخيرة" الذي تقدمه الإعلامية لميس الحديدي على قناة "ON":" لما جيت مصر كان فيه دلع كتير أوي، محشي وحمام ومسقعة ودي حاجات مينفعش تتساب وماتتكلش".

وتابعت هنادي، وقالت: "كنت بدرس في أسبانيا في مجال هندسة الصوت بمجال الموسيقى لأني كنت بحب المزيكا أوي، وكان حلمي إني أغني قبل التمثيل، واكتسبت ده من الجينات من والدي، ولما جيت مصر اشتغلت مدرسة ودرست كذا حاجة وكنت فاتحة شركة مع بابا وأنا بحب اشتغل من صغري حتى في الصيف ومش بحب أقعد في البيت".

أردفت: "لما اشتغلت ممثلة مكنتش مستوعبة طبيعة الشغلانة وأن الشغل موسمي ممكن يبقى مكثف شهرين متتالين ثم شهرين أخرين قاعدين في البيت مش بنعمل حاجة ودي كانت حاجة بالنسبة لي فيها إحساس غريب وكنت بقول فيه حاجة غلط لأني متعودة على الشغل اليومي وأني أنام وأصحى عشان ورايا شغل".