السيسي عن الجماعة الإرهابية: «قعدوا سنة ونصف خلصوا على مقومات الدولة» - فيديو
كشف الرئيس عبد الفتاح السيسي، اليوم الأحد، عن الرسالة التي وجهها للجماعة الإرهابية والتيار الإسلامي.
وخلال كلمته للإعلاميين، على هامش افتتاح محطة عدلي منصور، اليوم، أكد الرئيس السيسي، إنه قال للجماعة الإرهابية والتيار الإسلامي بالكامل: "أنتم عندكم مراكز دراسات أنشأتوها عشان تقدروا تبقوا عارفين يعني إيه دولة، مفيش، يبقى مش هتكونوا عارفين تحديات الدولة اللي أنتم فيها".
وأضاف الرئيس: "فرص النجاح مش جاية بإنك تعرف تقود دولة ولا لأ، الفرص هى إن مقومات الدولة تبقى موجودة، هما قعدوا سنة ونصف خلصوا على مقومات الدولة".
وتابع: "قعدنا أكثر من 70 أسبوعا يا يوم الجمعة أو الأربعاء والثلاثاء مظاهرات، لما تولوا السلطة وجات الدولة احتاجت بقى مكانش في حاجة لا أصول في البنك المركزي ولا حاجة في الدولة".
