مدحت تيخا يوجه رسالة لـ تامر حسني
حرص الفنان مدحت تيخا على توجيه رسالة شكر للفنان تامر حسني، وذلك بعد اختياره للمشاركة معه في فيلمه الجديد بحبك.
وأكد تيخا أن تامر حسني اهتم بأجره في العمل، وأيضًا ترتيب اسمه على التتر، وغيرها من الأمور التي ساعده ودعمه فيها.
ونشر مدحت تيخا على حسابه الشخصي بموقع التواصل الاجتماعي فيس بوك معلقًا: «تامر حسني أنا لازم أقول قدام الناس كلها إنك أحسن نجم، أنا اشتغلت معاه من الجانب الإنساني، اختيارك ليا، واهتمامك الكبير بيا في كل حاجة، من أول أجري ودوري في الفيلم، وشكلي على الأفيش، واسمي في التترات».
وتابع: «مفيش حد بيعمل كده خالص، إلا أنت، عشان كده ربنا بيحبك؛ لأنك فعلًا إنسان عظيم ونضيف، وبتعمل خير من قلبك بجد، مش مجرد شو إعلامي».
وأضاف: «يعني اللي عملته معايا ممكن محدش يعرفه خالص لو أنا مقولتش، وبالرغم من كده، عملته معايا، وأنا دلوقتي بمحض إرادتي، بقول للناس كلها، أهو اللي عملته معايا، عشان فعلًا أنت تستحق أني أشكرك قدام كل الناس.. أشكرك جدًا يا حبيبي، ربنا يوفقك ويسعدك، وتحقق كل اللي نفسك فيه يا رب، وأكتر كمان بإذن الله».
