ريهام سعيد :معمولي سحر إسود وفي زميلة عايزه تدمرني

خرجت الإعلامية ريهام سعيد في بث مباشر تكشف من خلاله عن تعرضها للسحر الأسود بوقف الحال والعمل والمرض والطلاق وأنها بسبب تعرضها لهذا السحر لا تستطيع قراءة الاذكار والتسبيح.

وكشفت ريهام سعيد تفاصيل السحر الذي تعرضت له حيث قالت :"قضيتي إني مؤمنة إن كل شوية بيتعمل لي سحر بوقف الحال والشغل والمرض والطلاق والناس بتاعة ربنا اللي مش بيبقى ليها في الدجل والشعوذة بيقولولي إن أنا معمول لي سحر وكل ما يتفك الجهة دي بتجدده وللأسف هي مش جهة واحدة اللي بتعمل كده ناس كتير أوي وأسبابهم مختلفة".

وأشارت ريهام سعيد إلى أن هناك علاقة وثيقة بين الآثار والسحر وأن معظم من يعملون في الأسحار يعملون في التنقيب عن الآثار، مؤكدة أن الدليل على ذلك أنها لاحظت تغير حياتها رأسا على عقب بعدما ذهبت لمنزل 5 فتيات في إحدى حلقات برنامجها قالوا إن منزلهم يوجد أسفله آثار ولذا حدث لهن مس.

وأوضحت :"طبعًا كل اللي بيحصل بإذن الله ومن عند ربنا فأنا مقتنعة أن كل اللي بييجي من عند ربنا خير لكن أنا تعبت من موضوع السحر لأن بيحصل أمور غير طبيعية ولا تتوافق مع قدراتك" مشيرةً إلى أن الداعية مصطفى حسني قال لها إن سورة البقرة قوية جدًا، كل ما أجي أمسك سبحة لترديد أذكار الصباح والمساء يحصل حاجة ومعرفش أقولها.. فعلاً الحاجات دي مُتعبة والناس اللي بتعمل فيا كده مش عايزة تهدأ غير لما يتقضي عليا خالص.. أنا زهقت وفكرة أن حد يأذيني بتبقى صعبة أوي، عايزة اقرأ سورة البقرة كل يوم وعايزة أعمل أذكار الصباح والمساء وبدعي ربنا أن يبعد عني هذا السحر، والحسد صعب أنا لما بصلي بنهار من الدموع وقرأت لشيوخ بيقولوا أن ده من علامات الحسد".

وكشفت ريهام أنها على علم بمن وراء هذا السحر، قائلة :"عندي زميلة عايزة تدمرني وبتشتغل من تحت والأذية أخرتها مش حلوة خالص وكله هيرجع".