«أنا مادة مثيرة وواضحة وصريحة».. انتصار ترد على منتقدي تصريحها بأنها تشاهد أفلاما إباحية وتكشف الحقيقة
انتقدت الفنانة انتصار كل من هاجمها بسبب التصريحات المغلوطة التي تداولها البعض ممن أشاروا إلى أنها اعترفت بمشاهدة الأفلام الإباحية.
وقالت انتصار خلال حوارها في برنامج "الستات" من تقديم مفيدة شيحة وسهير جودة عبر قناة النهار: "الناس مش متعودة على الصراحة، متعودين على ناس بتطلع تقول صباح الخير وكذب وكلام كتب ومالوش دعوة بالواقع، فلما بتطلعي تقولي الحقيقة عن تجربة، الناس بتستغرب، بيخافوا يصدقوا فبيهاجموا".
وردت على سؤال عن ما قالته بمشاهدتها للأفلام الإباحية، حيث قالت: "أنا ما قلتش كده أساسا، هو حد مش معروف خالص بيبدأ خبر وبنمشي وراه، شوفي التفاهة وصلتنا لأيه؟ عقبال ما يوصل للقنوات الكبيرة، مفكروش يجتهدوا يقولوا هاتوا نشوف الفيديو قالت إيه، ويتابع الخبر الأساسي عشان يبني عليه، ده طالع هوا وبيشوفه ملايين".
وتابعت: "أنا استغربت في الحدث ده أن في ناس كبيرة ومهمة أوي والناس بتتابعها، ما اهتموش أنا قلت إيه أنا مادة مثيرة أن حد يقعد ورا مني يشوف بقول إيه، عشان صريحة وواضحة ومختلفة، فطبعا ناس كتير عايزين يطلعوا على اكتافي، متهيألي مفيش تصيد، في فراغ".
