فيفي عبده تثير الجدل على السوشيال ميديا بسبب عمرو دياب
لليوم الثانى على التوالى، تصدرت النجمة فيفي عبده تريند جوجل، بعد رقصها على البحر في الساحل الشمالى وهي تودع الصيف.
نشرت فيفي عبده فيديو لها على موقع تبادل الصور والفيديوهات "إنستجرام"، وهي ترقص على أغنية الهضبة الفنان عمرو دياب "اللوك الجديد"، ووضعت تعليق عليه: "من الساحل بحبكم أوى".
ومنذ فترة ظهرت فيفي عبده في بث مباشر على صفحتها "إنستجرام"، لتطمئن الجمهور عليها بعد غيابها لفترة طويلة، وتحدثت عن فترة كورونا والتعب الذي عانت منه، وعن الحسد الذى أصابها، وكورسات الرقص اليومية.
وقالت فيفى:" أنا كنت هموت من الكورونا كانت فترة صعبة عشان كده بخاف منها، ويهرب من الناس دلوقتي عشان كده معظم الوقت في الساحل، وقررت أدرب كل البنات على الرقص أونلاين هعلمكم كلكم".
وتابعت فيفي :"أنا طول عمري محسودة، ومش نافع أي حاجة مع الحسد ولا خرزة زرقا ولا بنفسجي ولا أي حاجة، ولما حد بيكون عينة وحشة ويجي بتكلم معايا بكون عايزة أقرا قرأن في وشه بس لساني ليوقف لوحده".
وكان أخر أعمال النجمة فيفي عبده في موسم رمضان الماضي بمسلسل "شغل في العالى" أمام الفنانة شيرين رضا، وتونى ماهر، وبسمة داود، انجى كيوان، وبسنت النبراوى، وتأليف حسين مصطفى محرم وإخراج مرقس عادل.
