نجل الزعيم يطمئن جمهوره على حالة والده الصحية
قال المخرج رامي إمام نجل الزعيم عادل إمام، إن والده بصحة جيدة، وليس هناك أي أساس لصحة الشائعات التي تتردد حول تدهور حالته الصحية.
وتابع رامي إمام: "إحنا اتعودنا على الشائعات من زمان جدًا وبقت جزء من حياتنا، وهو عودنا إننا منزعلش، وهو الحمد لله زي الفل وبيستمتع بحياته مع أحفاده، وعمل كل حاجة في حياته ويوم ما يكون هيعمل حاجة لازم تكون حلوة".
وأضاف: "هو بيقول لو عايزين أعمل حاجة هاتوا حاجة حلوة تعجبني، ولغاية النهاردة بنتكلم على الشغل، وصعب جدًا نختار موضوع لـ عادل إمام، وصل لمرحلة إنه بيقول أنا عملت كل حاجة في الدنيا، وجبتله كلب صغير وبيلعب معاه".
واستكمل:"هو دلوقتي بيستمتع مع أحفاده، لأنه مشفناش في حياته كتير، وأكيد كلنا في وقت من الأوقات هنقول خلاص يا جماعة أنا هختار أعمالي ومش هنزل غير للعزيز الغالي، ومن حق عادل إمام إنه يعمل اللي هو عايزه، هو بيتابع الأخبار أكتر مننا، وبيقرأ جرايد، وبيحل الكلمات المتقاطعة".
