شيرين عبدالوهاب: ”مش بسمع النصائح اللي لها علاقة بـ قلبي”
تحدثت الفنانة شيرين عبد الوهاب عن بداياتها في مجال الفن، خاصًة بعد مرور 20 عاما على أغنيتها الشهيرة آه يا ليل، مشيرة إلى أنها تعلمت الاستماع للنصائح خلال مسيرتها الفنية.
وقالت شيرين عبد الوهاب خلال لقائها مع إسعاد يونس في برنامج صاحبة السعادة: أنا بحب الـ 20 سنة اللي مروا أوي؛ لأنهم هما اللي عملوني وبحب الشقا اللي شقيته في البداية، وبحب عزة نفسي ومع ذلك بسمع الكلام والنصايح، ما عدا النصايح اللي لها دعوة بقلبي والحمدلله أنا اتعلمت، واشتغلت مع أشهر الشعراء واشتغلت مع نصر محروس واستفدت منه وبشكره لأنه حطني على الطريق والسلم.
وواصلت شيرين: أنا كنت حاسة إن ربنا شايلي حاجة حلوة بس متوقعتش النجاح دا كله، ومتخيلتش إني هبقى دولية وعلى مستوى العالم العربي، وأنا محظوظة إني بلاقي الحب من جميع الدول.
وأضافت شيرين عبد الوهاب: أنا مدلعة أوي بـ حب الناس وحاسة إني بقيت مسئولة من الجمهور، وممتنة لكل شخص بيقابلني في الشارع، واللي ربنا بيحبه بيحبب فيه الخلق، وبقول لجمهوري شكرا ليكم من غيركم عمري ما كنت هقدر أرجع.
ومن ناحية أخرى، عادت الفنانة شيرين عبد الوهاب للساحة الفنية بقوة بعد غياب دام لعدة سنوات، إذ طرحت العديد من الأغاني التي حققت نجاحا كبيرا وتفاعل معها الجمهور بشكل كبير، من بينهم أغنية كلها غيرانة.
