عمر كمال يكشف حقيقة زواجه من ندى الكامل

انتشر بين رواد مواقع التواصل الاجتماعي أنباء عن عقد مطرب المهرجانات عمر كمال قرانه على سيدة الأعمال ندى الكامل طليقة الفنان أحمد الفيشاوي، وذلك مساء أمس السبت، في حفل عائلي ضم الأهل والأصدقاء فقط.

ومن جانبه أوضح عمر كمال الأمر حيث كتب على حسابه الشخصي بموقع التواصل الاجتماعي فيس بوك: "السلام عليكم أمبارح شوفت صديقى الدكتور أسامة قابيل بعد شغله ونورنى وكان قعدة جميلة .. واخدنا صور عادية بعد القعدة وكان لابس اللبس الازهرى الجميل لانه بعد شغله .. الناس ف لحظة ربطت ده انو كتبت كتابى وبحاجات شخصية ف حياتى".

وتابع: "مع انى كنت لابس شورت وكاب وقاعد ف قعدة خاصة جدا مع ناس بحبها .. ليه يا جماعة فيه ناس عندها إصرار تخلينى اطلع كلام مش عاوز اقوله وتفتش ورايا .. و ليه الناس متراعيش ان كل واحد ليه اهل واسرة بيعملهم مشاكل معاهم بكل كلمة غلط بتنزل".

وأضاف: "انا حتى يوم ما أتجوز مش هدخل حياتى الشخصية ف السوشيال ميديا اطلاقا .. ياريت يا جماعة تسيبونى ف حالة وتراعوا ربنا ف سيرة الناس وفيه حاجات ف مصر أهم ١٠٠ مرة منى ومن أخبارى الشخصية".