رولا خرسا تهاجم عائلة شيرين عبد الوهاب: ”ربنا سترها تفضحوها ليه”
عبرت الإعلامية رولا خرسا عبر موقع الصور الشهير إنستجرام عن حزنها على الفنانة شيرين عبد الوهاب بسبب محنتها الحالية.
وكتبت رولا خرسا: "الي بيحصل لشيرين عبد الوهاب ابتلاء كبير أوي، أصعب حاجة في الدنيا اما أهلك يطلعوا يفضحوا أسرارك على الهواء حتى لو كان عشان حمايتك، إلى ربك ستره تفضحوه ليه؟ كان ممكن يستنجدوا باي حد كتيمي من غير ما يطلعوا في التلفزيونات يتكلموا".
واستكملت: "قلبي واجعني على بناتها الي عايشين في الجو دا والي مهما كانوا شايفين الا اما الناس كلها تعرف حيتعرضوا في المدرسة ومن الي حواليهم لكلام قاسي وتنمر".
وواصلت رولا خرسا: "شيرين نفسها حتى لو مدمنة فحقها عليهم أنهم ياخدوها في حضنهم ويساعدوها مش ينشروا أخبارها حتى لو شايفين أن دا لمصلحتها، ربنا معاكي ياشيرين حتى لو الدنيا كلها سابتك، مفيش أنسان في الدنيا يستاهل أنه مايلاقيش حد جنبة".
وأضافت: "تاني بقول مهما عملت ادعوا لها يا جماعة أن ربنا يشفيها ويفك كربها دا، شيرين محتاجة لدعم نفسي قوي جدا وتالت ورابع بقول مهما عملت بلاش كل حد يطلع القاضي والجلاد الي جواه، طلعوا بدالهم الإنسانية والرحمة، والله كلنا على الأرض غلابة وعايشين بستر ربنا".
