والد حسام حبيب: «اللي حوالين شيرين بيحاولوا يسيطروا عليها وابني كان بيحميها»
علق والد الفنان حسام حبيب على تصريحات الفنانة شيرين عبد الوهاب عبر حسابها على انستجرام، والتي نفت فيها وجود أي خلاف بينها وبين طليقها حسام.
وقال والد حسام حبيب: "أنا مبقتش عارف علاقتهم ماشية إزاي، بس مستغرب إنها بتقول كدا، ولكن عمومًا الزواج بينهم أصبح مستحيل وأصبحت علاقتهما مدمرة".
وأضاف حسين حبيب: "أتمنى يبعدوا عن بعض شوية ويفضلوا صحاب لأن الصحوبية حاليًا بقت أفضل من الزواج وفيها ثقة ودعم أكتر، وهما مش متفقين من الأول لأن طباعهم وشخصيتهم مختلفة عن بعض، وشيرين بتحب الشهرة والميديا وأن الناس كلها تتكلم عليها".
وأكمل: "الأزمة من الأشخاص اللي حوالين شيرين، بيحاولوا يسيطروا عليها، ويجروها لـ سكة الإدمان وتعاطي الأدوية، وكله بيحاول يستغل شهرتها وفلوسها، وابني كان بيحاول يحميها".
