الراقصة دينا: لا أعلن عن زيجاتي ومعنديش مشكلة في فرق السن

كشفت الراقصة دينا، عن العديد من تفاصيل حياتها الشخصية لأول مرة خلال استضافتها في برنامج "الستات"، الذي تقدمه الإعلاميتان مفيدة شيحة وسهير جودة عبر قناة النهار.

وتحدثت دينا عن تجربتها مع غيرة أزواجها قائلة: "أبو ابني كان عنده ثقة غير عادية في النفس، لدرجة إنه كان بيساعدني في شغلي، وأنا قررت أخلف لما أكون مع حد واثقة إنه هيفضل موجود طول العمر أبو ابني".

وتابعت: "في بعض الأحيان ممكن أعلن عن زواجي إذا كان الأمر يسمح بالإعلان، وأحيان مش بعلن، ومفيش عندي مشكلة في فرق السن، لإن معجبيني في الأفراح عندهم 19 سنة".

وصرحت دينا، خلال البرنامج بأنها فكرت في الانتحار في بدايتها، رافضة الكشف عن تفاصيل تلك المحاولة.

وأضافت دينا: "الموضوع ده قديم في بداية حياتي، كان عندي ساعتها 20 سنة، وأنا أنضج بكتير دلوقتي".

وتابعت: "مش عايزة أتكلم عن الموضوع، عشان في شخص عزيز عليا أنا وهو لسه أصحاب جدا بيزعل".