غادة ابراهيم: «حاولت أنتحر وقطعت شراييني ده كفر بس هانت عليا نفسي»
كشفت الفنانة غادة إبراهيم عن معاناتها بعد وفاة والدها حيث قالت: "مقدرتش بعد وفاة بابا وكنت عايزة أمشي وأهرب من البيت ووافقت بأول جوازة، وكنت عايشة مع أخويا وأختي وعندي أخوات من بابا؛ لأنه كان متجوز 3".
وأضافت خلال استضافتها في برنامج قعدة ستات الذي تقدمه الإعلامية مروة صبري قائلة: "قطعت شراييني بعد وفاة والدي، وابن عمي جري بيا على المستشفى، ده كفر ومش حاجة حلوة، بس أنا كنت صغيرة مش فاهمة وهانت عليا نفسي".
وتابعت: "ماما والدتها كانت تركية، وكانت مدلعاني بس مش زي بابا، أنا كنت في حضن بابا ودلع وسفر وكل طلباتي أوامر، لكن ماما مش بتبين حنيتها وحنانها داخلي".
واستكملت: "أول عربية ألماني كانت جيبهالي ماما وأنا في ثانوي وكانت طلب خاص ومدلعاني بس مش زي بابا، وأنا مقدرتش لما توفى وكنت عايزة أهرب".
