مرتضى منصور يفتح النار: ويجز أفسد الغناء في مصر و «لوث ودانا»

شن مرتضى منصور، رئيس مجلس إدارة نادي الزمالك، هجومًا كبيرًا على مغنى الراب ويجز، خلال ظهوره على قناة الزمالك الفضائية.

وقال مرتضى منصور في تصريحات عبر برنامج "زملكاوي" المذاع عبر قناة "الزمالك": "مين ويجز وحمو بيكا يا مصطفى كامل، فين الجيل القديم محمد منير وعمرو دياب ومدحت صالح وعلي الحجار".

وتابع: "ودانا كانت نضيفة، إنتوا لوثتوا ودانا، ولوثتوا جيل كامل، ويجز أفسد الغناء في مصر، ارتقوا بالذوق دي مصر وكدة عيب".

وكان مرتضى منصور، قد كشف حقيقة غلق قناة الزمالك بسبب تجاوزاته الأخيرة، حيث قال في فيديو مصور عبر موقع "يوتيوب": "في ناس كتير كانت بتسأل هل قناة الزمالك هتتقفل بعد اللي قولته في حلقتين الخميس والجمعة؟، أولا أنا مش ندمان ومش زعلان، وقناة الزمالك مش هتتقفل، لو عايز تحاسب حاسب اللي بيتكلم، وأنا اللي كنت بتكلم ودول كانوا ليلتين في حب مصر".

وتابع: "وعلى فكرة أنا عايز أنبه اللي زعلانيين هما الخونة والفاسدين واللي مش عاجبهم يبقى في 200 مليون مصري وعربي حول العالم، قاعدين بيسمعوا كلامي".