إلهام شاهين تدافع عن قبلة ابنة شقيقتها: «اتطمنت على مستقبلها وشرفتنا والمفروض نفرح بالحب»

أثارت الفنانة إلهام صفى الدين، ابنة شقيقة الفنانة إلهام شاهين جدل كبير خلال الساعات الماضية، وذلك بعد تصريحاتها المثيرة عن القبلة الجريئة التي قدمتها في فيلم «صاحبتي».

يذكر أن فيلم «صاحبتي» قد شارك ضمن برنامج «الأفلام القصيرة 3» في مهرجان القاهرة السينمائي الدولي بدورته الـ44.

وجاء في الفيلم الفيلم القصير، مشهدًا لقبلة جريئة لإلهام صفى الدين ابنة شقيقة الفنانة إلهام شاهين، ما عرضها للانتقاد الشديد.

وقالت إلهام صفي الدين عن مشهدها الجرئ: "مبسوطة وراضية جدا عن كل حاجة حصلت، وحاسة إن كلنا تعبنا عليه، سواء فيه بوسة أو فيه شيء ملموس، فاهمة إن ده مش في مجتمعنا ومش معتاد عليه، لكن دي حاجة كانت بتحصل زمان وعادي، لكن الزمن والوقت اتغير".

وتابعت: "مينفعش الفن يبقى متقيد، الفن إحساس، أحنا كبشر بنتحكم في تفكيرنا، لكن معندناش تحكم في إحساسنا، مينفعش تقولي أنا عاوز الحالة دي لكن في ممنوعات، لازم الدنيا تكون متفتحة، ودور الفن أنه يفتح دماغ الناس بدل ما الناس تقفل عليه، بالنسبة لي حابه أعمل كل حاجة، ولو أنا شايفة أن فيه مشهد أو حاجة في السياق الدرامي وفي الكتابة والرسالة هاقدمها، لكن لو ملهاش لازمة مش هاعملها".

ومن ناحيتها حرصت الفنانة إلهام شاهين الدفاع عن ابنة شقيقتها، حيث قالت: "بستغرب إننا بننتقد بوسة في الفيلم، مع إن القبلات موجودة في أفلام الستينيات والسبعينيات، في الوقت اللي بنشوف فيه القتل والعنف والدبح والاغتصاب وداعش ومش بنزعل".

واستكملت: "ليه بنكره الحب ومش بنفرح بيه وندافع عنه؟، وبقول لصناع الفيلم شرفتونا بفيلمكم اللي بيمثل مصر في أكبر مهرجانات العالم، وبقول لإلهام ابنة شقيقتي أنا مطمنة عليكي وعلى مستقبلك".