بالفيديو.. زيزي عادل: «مكنتش مستعدة أقابل ربنا وأنا مطربة»
أوضحت الفنانة زيزي عادل أن اعتزالها الفن كان قرارها، حيث قالت: "أنا اكتشفت إني هاخد معايا أعمالي وبدأت أفكر إني مش مستعدة أقابل ربنا بحياة المطربة، وكنت عايزة أحس إني مستعدة أقابل ربنا لأن محدش صغير على الموت".
وتابعت زيزي عادل خلال لقاءها في برنامج كلام الناس: "قرار اعتزالي جاء من عند الله، وحسيت كأن ربنا بعتلي وقالي سيبي الفن وحاجة بتحصل بدون وصف وكأن ربنا بيقولي كفاية هزار تعالي بقى ونعمل للي جاي".
وأضافت: "مش صح الست تتحجب عشان زوج لأنه هيكون عن عدم اقتناع، وقالوا إني تزوجت داعية وهو اللي أقنعني أعتزل وأنا معرفش ليه بيجوزوني كتير كدا، ودي بشرة خير ويا رب أتجوز، والاعتزال مكنش ليه علاقة بالارتباط أو الجواز".
