لقاء الخميسي تشن هجومًا على الصحفيين

شنت لقاء الخميسي هجوما شديدا على عدد من الصحفيين، بسبب التريندات التي يفتعلها البعض لتصدر المشهد.

ونشرت لقاء الخميسي، فيديو لها عبر صفحتها الرسمية، بموقع التواصل الاجتماعي لتبادل الصور والفيديوهات "إنستجرام".

وقالت لقاء الخميسي في الفيديو: "رسالة إلى الصحفيين اللي بيحبوا يكتبوا الأخبار علشان يعملوا حاجة حراقة تجيب مشاهدات وتريندات، ويكون في ناس كتير بتدخل، لتكتب الخبر كما جاء كامل وصح كما جاء أو متكتبوش وتحترم نفسك، كفاية تسالي على الفنانين".

وتابعت لقاء: "للناس اللي بتابع سوشيال، لتقل خيرا أو لتصمت، يا جماعة نبطل نهين بعض نبطل نهاجم بعض، نختلف مع بعض عادي، بس لازم نحترم الاختلاف، كل واحد ليه تفاصيله ومعتقداته".

وأضافت: "يا جماعة الممثل إنسان طبيعي، عنده ضغوط نفسية ومشاكل وضغوط ومشاكل نفسية ومادية، احنا مش بنحب نوريكم ده، احنا هنا علشان نبسطكم وبس".