فيفي عبده: «بقول لشيرين عبدالوهاب من خبرتي حاولي تقفلي عليكي بيتك»
احتلت الفنان فيفي عبده تريند جوجل بعد أن حلت ضيفة على برنامج "كتاب الشهرة" مع الإعلامي علي ياسين على قناة الجديد، ووجهت فيفي عبده خلال اللقاء رسالة ونصيحة خاصة للمطربة شيرين عبد الوهاب.
وقالت فيفي عبده: "من حقها تعيش مع جوزها بالطريقة اللي تعجبها، ولكن غلط إنهم يصوروها مش من حقهم، ومن حقها تعيش براحتها مع جوزها واللي بيحب أحيانًا بيخبط في أي حاجة، ومن الحب ما قتل".
وأضافت: "الجمهور كان لازم يتعاطف معاها لأنها بني آدمه من حقها تعيش مش تموت، ولا عشان الفنان شخصية عامة يموت، وشيرين طيبة وحبت ومن حقها تحب".
وتابعت: "وأنا بقولها من خبرتي حاولي تقفلي عليكي بيتك ومتحاوليش يكون عندك أصدقاء يضروكي وأنا بحب شيرين عبد الوهاب جدا، وبحب حسام وهما بيحبوا بعض ولكن فتحوا الموضوع زيادة على اللزوم لاستغلال الميديا".
