عارفة عبدالرسول: «بحر يعني مايوه وبلبسه قطعة واحدة وحاليًا شورت بيبي دول».. والجمهور «اتلمي يا عجوزة»
حلت الفنانة عارفة عبدالرسول ضيفة على برنامج كلام الناس على قناة MBC مع ياسمين عز وتحدثت خلال اللقاء عن تفاصيل الأزمة التي تعرضت لها بعدما ظهرت بمايوه وهاجمها الجمهور.
وقالت عارفة عبدالرسول: "أنا من الإسكندرية واتعودت أنزل البحر وإلا هيجي لي اكتئاب، ونزلت صورتي بالمايوه وكنت في منتهى السعادة واللي باين مني كتف بس".
وتابعت: "بيقولوا لي يا ولية يا عجوزة اتلمي إزاي تلبسي بكيني، هو فين البكيني ده، وبعدين أنا من جيل المايوهات، زمان لما كانت بتصغر علينا أبويا كان بيجبلنا مايوهات أكبر، وبنضحك على أي حد نازل البحر بجلابية وبنطلون".
وأضافت: "كنت بلبس بكيني وأنا صغيرة ولما كبرت بقيت ألبس قطعة واحدة، وحاليًا بلبس شورت بيبي دول، وشايفة بحر يعني مايوه، وممكن ألبس بوركيني بدون حجاب".
