«بيرميلنا الكلمتين ويجري».. رسالة حادة من عمرو أديب لاتحاد الكرة بسبب صفقات الزمالك

وجه الإعلامي عمرو أديب، رسالة حادة إلى اتحاد الكرة على خلفية أزمة نادي الزمالك، والخاصة بغموض موقف تسجيل صفقات النادي الشتوية.

رسالة حادة من عمرو أديب لاتحاد الكرة بسبب صفقات الزمالك

وقال «أديب» في تعليق عبر برنامجه «الحكاية»، والذي يعرض عبر قناة «إم بي سي مصر»، اليوم الجمعة: «عندي رهان وتحدي، في بلد في العالم أو أي نظام كروي في العالم ما تقدرش تعرف فيه إذا كان فيه لاعيبة اتسجلت ولا لأ؟!».

وأضاف: «أنا مش بتكلم اتسجلوا ولا متسجلوش؟! السؤال الثاني هم اتسجلوا بس ما تقيدوش وممكن يتقيدوا لو الزمالك دفع الفلوس؟! ولا حد بيرد، اتحاد الكرة ما بيصدق بيرميلنا الكلمتين ويجري».

وتابع «أديب»: «الناس موجودة مع الزمالك، ولا هتروح تعلب خماسي لحد أغسطس الجاي؟! مفيش حد بيرد، أنا أتحدى فيه حد عنده إجابة! أنا مش بسأل في الكيميا ولا بسألك سعر الدولار كمان شهر هيبقى بكام؟!».