محمد رمضان يكشف مصير «بلال شامة»: انتظروا مفاجآت عديدة في جعفر العمدة

قال الفنان محمد رمضان في لقائه مع الإعلامية فاطمة مصطفى، في برنامج «الراديو بيضحك»، على راديو 90 90: «شوفت ردود فعل على مشهد جعفر العمدة وبلال شامة لما مبصش وراه، كان فيه ناس عايزني ألف وشوفت صور ناس بتزق في وشي عايزني ألف وشي وأشوفه».

وأضاف: «سعيد بردود الفعل جدًا ومبسوط ولو كنت شوفت بلال وقتها كان فيه حاجات هتتحرق للشخصية مينفعش جعفر يعرفها دلوقتي».

وتابع: «صمت جعفر العمدة في مشاهد حبسه وراه ثقة وأنه عارف إنه يقدر يجيب حقه كويس، العقدة أتت لما شوقي قاله إنه يعرف مكان ابنه، فدي بمثابة لوي ذراع له، هل هو هينتقم من العائلة دي وهما معاهم شىء غال جدًا، فهو في صراع شديد جدًا أما يختار عائلته أو ابنه، وده اللي هنشوفه في الحلقات القادمة».

واستكمل: «النهاية إن شاء الله ترضي الجمهور ومتحبطش حد من المسلسل، ويارب النهاية تليق بالمسلسل، وفيه صراعات ومفاجآت خطيرة في الحلقات القادمة».