بعد نجاح جعفر العمدة.. محمد سامي يكشف لجمهوره سر تألقه

حرص المخرج محمد سامي على توجيه نصيحة لجمهوره بعد نجاح مسلسله جعفر العمدة، ونشر صورة لآية من القرآن الكريم على حسابه الشخصي بموقع الصور الشهير إنستجرام.

وكتب معلقًا: "ما تخافش إنك تجرب وتقول لحسن أقع، لأن نصر الله ليك هيقومك تاني ويخليك تلمس السحاب لو أراد، ماتهتمش لو حصلك في يوم أزمة ولقيت ناس بتشمت فيك، لأن ده بيخلي ربنا يبقي حليفك وينصرك عشان هو العدل".

وتابع: "المهم إنه بعد نصره ليك إوعى تتغر وتكون شايل في قلبك كراهية وانتقام تجاه الناس، وحتى الناس اللي حاربوك أو شمتوا فيك بالعكس، خلي قلبك مليان محبة وخير، عشان ربنا ينصرك تاني وتالت ودايما".

وأضاف: "الكراهية بتجيب فشل وعدم تيسير ووقف حال، والمحبة بتجيب نجاح وتيسير وخير ورزق، اللهم اجعل قلوبنا عامرة بالمحبة والخير ونظف قلوبنا من الشر والانتقام، يا رب حقق لكل واحد بيحلم حلمه وطموحه، ومتخليش حد يعيش في كرب بسبب عدم تحقيقه لما يتمني، يا رب ارزق كل الناس ونجحهم وارزقهم التيسير والقبول".