مروة عبد المنعم باكية: «معرفش بصرف ازاي ومحدش وقف جمبي وتامر حسني مبعتش رسالة ولا كلمني»
بكت الفنانة مروة عبد المنعم على الهواء مباشرة خلال استضافتها في برنامج "قعدة ستات"، المذاع على شاشة "القاهرة اليوم".
وقالت: "كنت بقول لبنتي مش عارفه أنا صرفت عليكم طول السنين اللي فاتت دي ازاي، بس بتمشي، أنا وقفت جمب نفسي لكن محدش وقف جمبي، طبعا بعد ربنا، ربنا عظيم وكريم ، بقعد ساعات أقول أنا بصرف السنة دي ازاي".
وتابعت: "أشرف زكي وقف معايا، إدوارد كان وقتها معايا، في ناس استنيت إن هما يبقوا معايا ومزعلني أوي ومش عايز أقول مين".
وأضافت: "أشرف زكي من أكتر الناس اللي وقفوا معايا جامد جدًا، كنت متخيله إن تامر حسني هيسأل عليا، وخاصًة كان في عمر وسلمى حصله موقف في الجيش وروحتله مع إني لسه مكنتش صاحبته، وتامر من الناس اللي قريبة مني، لكن مبعتش رسالة ولا كلمني، أحمد صفوت من الناس اللي وقفوا معايا، وأحمد زاهر وقف معايا في حاجات كتير جدًا".
