محمد فؤاد: «تركي آل الشيخ هيعملي أكبر فيلم سينمائي»
كشف الفنان محمد فؤاد أنه سيشارك في فيلم مع معالي المستشار تركي آل الشيخ يعود من خلاله بعد غياب 18 عامًا عن السينما.
وقال محمد فؤاد: "معالي المستشار تركي آل الشيخ أبدى نيته إنه هيعملي أكبر فيلم سينمائي، إحنا عملنا فيلم سينمائي وهو إسماعيلية رايح جاي والفيلم اللي اتفقنا عليه اسمه في قلب نيويورك".
وتابع محمد فؤاد عن حفله الأول في السعودية: "حلم إني أغني لأعظم ناس على وجه الأرض، السعودية ساكنة جوة قلب كل الوطن العربي، الشعب السعودي اللي علمنا يعني إيه أخلاق وكرم".
وأضاف: "الوطن العربي محتاج لكل الأيادي الشريفة.. مصر والسعودية فيها قادة بتحب وطنها وببارك ليكم إن عندكم قيادة بتحب وطنها من قلبها، بحب الشعب السعودي من كل قلبي، والله ممكن أبطل الغناء بعد الاستقبال والتفاعل الكبير ده".

















