والدة منى زكي: «بتاعة ودع قالتلي هتخلفي بنت وهتبقى مشهورة»
حضرت الدكتور تهانى جعفر والدة النجمة الكبيرة منى زكى، حوارا مع الإعلامى محمود سعد، فى برنامج Sold Out، الذى طرح على منصة Watch IT.
وقالت الدكتور تهانى جعفر خلال الحلقة: دايما بخاف عليها لأنها بنت، طول عمرها كويسة وحنينة جدا، وزوجة وأم شاطرة، فى كل حاجة الحقيقة ما شاء الله عليها.
وتابعت والدة منى زكى: ما شاء الله ماشية بخطوات مظبوط، مش بشوف غير مسلسلاتها، بتكلمنى أول واحدة تسألنى وممكن أقولها برافو عليكى أو لا.
وسألها الإعلامى محمود سعد: إيه أكتر شخصية قدمتها وأثرت فيكى وحبتيها؟، وأجابته قائلة: الحقيقة لعبة نيوتن.
كما سألها محمود سعد مرة أخرى: كنتى متوقعة تبقى نجمة ومشهورة؟، لتجبيه: فى مرة كنا على البحر وفيه واحدة بتشوف الودع ووقفت عشان أتفرج، وكنت لسه مخلفتهاش وقالتلى هتجيبى بنت وهتبقى مشهورة جدا جدا وهتلفى العالم أنتى وهى وده حصل.
