محمد رمضان: حصلي حالة تشرس وتحول الطموح بسبب الحروب والإحباط

حل النجم محمد رمضان، ضيفا على برنامج ضيفى، الذى يقدمه الإعلامى معتز الدمرداش، عبر شاشة الشرق، وكشف من خلاله العديد من التفاصيل.

قال محمد رمضان: "كنت بشوف الأهرامات من البيت، قدامى هرم وعظمة وشيء غريب، ومرة قررت وأنا فى تانية إعدادى ألمس الهرم أنا شايفه صغير وفى مخيلة طفل إن لو مشيت فى نفس الطريق اللى قدامى هوصل للهرم".

وأضاف قائلا: "الرحلة أنا مبسوط بيها جدا بدأت من ضواحى الجيزة والمنطقة اللى أنا اتولدت فيها شكلت جزء كبير فى شخصيتى وخيالى، وبيتى أبويا وأمى وإخواتى شكلوا شخصيتى ورؤيتى للمستقبل".

واستكمل رمضان: "كان أقصى طموحى إنى أكون ممثل والمخرج يقول لى برافو عليك، فحصل لى حالة تشرس، وتحول الطموح البسيط بسبب بعض العوامل اللى قابلتها فى مهنتى من إحباطات وعقبات وحروب على الممثل الصغير اللى عاوز يعمل مشهدين حلوين ويمشى".

واختتم قائلا: "بعد كدا بقيت عايز أكون ممثل كبير وبعد كدا نجم أنا من الناس اللى مش بييأسوا كل ما زاد الرفض بلا مبرر كنت بحسبها إنى بقيت مصدر قلق".