«إيه الاستفزاز دا».. جورى بكر تهاجم هؤلاء عبر إنستجرام

هاجمت الفنانة جوري بكر، بعض الاشخاص الذين طلبوا منها المساعدة، وذلك من خلال خاصية الاستورى على حسابها الرسمى، على موقع التواصل الاجتماعي انستجرام.

كتبت جورى: أولًا عشان الأسئلة الكثيرة اللي بتجيلي بخصوص أنا ليه قافلة الكومنتات على عدد معين لأن بجد الموضوع مخيف مش كل الناس اللي حوالينا محترمين، مش كل الناس نضيفة وتعليقاتهم محترمة في مجموعة كدة حرفيًا من قاع الأرض مريضة وتعليقاتهم أنا مقدرش استحملها أو أشوفها واحترامًا لمن حولي بجد قفلتها على المقربين مني والناس المحترمة اللي متبعاني.

وأضافت جوري: غير إني برضو بخاف جدا افتح DM ساعات بيلفت نظري الناس الجميلة المحترمة اللي بتحب تهديني حاجات شغلهم مش تمام.

وتابعت جوري: الشحاتة بقي اللي وصلت على الإنستجرام هل ده بجد اللي عايز مساعدة 3000 جنيه، وهو مصور نفسه ماسك تليفون بـ 25 ألف جنيه أو أكتر، واللي عايزة تجهز نفسها ونفسها في ثلاجة وأنا أصلًا مشتريتهاش بجد إزاي كده إيه كمية الاستفزاز والجرأة اللي عندكم دي انزل وانزلي اشتغلي اتعبوا وانجحوا وساعدوا نفسكم في غيرك نحت في الصخر، عشان يوصل ومحدش ساعدهم ولا ساعدني.

وشاركت جورى بكر، فى مسلسل "جعفر العمدة" الذي حقق نجاحا جماهيريا كبيرا، وتدور أحداثه في إطار اجتماعي شعبي في حي السيدة زينب، حول جعفر العمدة والذي يجسده محمد رمضان، وهو متزوج من 4 سيدات، هم: منة فضالي، زينة، إيمان العاصي، مي كساب.

مسلسل "جعفر العمدة" بطولة كل من محمد رمضان، زينة، هالة صدقي، إيمان العاصي، مي كساب، منة فضالي، عصام السقا، مجدي بدر، أحمد فهيم، منذر رياحنة، دعاء حكم، أحمد داش، بيومي فؤاد، فريدة سيف النصر، جوري بكر، طارق النهري، تأليف وإخراج محمد سامي، وشارك في السيناريو والحوار مهاب طارق، وإنتاج شركة ميديا هب سعدى – جوهر.