«بص لسيد عبد الحفيظ».. تعليق جديد لمرتضى منصور على أزمة شيكابالا

وجه مرتضى منصور رئيس الزمالك المعزول، رسالة جديدة لشيكابالا قائد الفريق الأول لكرة القدم، بعد الأزمة الأخيرة التي نشبت بينهما.

واتهم مرتضى منصور قائد الزمالك بالتمرد ورفض خوض المباريات، بسبب عدم الحصول على مستحقاته، قبل أن يصدر اللاعب بيانا رسميا، يكذب فيه رئيس النادي السابق.

وقال منصور في فيديو عبر قناته على "يوتيوب": "أنا بحب شيكابالا على المستوى الشخصي، ومش عايزه يضيع موهبته، علشان كدة بقوله اوعى تتخانق مع حد عشان حد".

وأوضح: "بص لسيد عبد الحفيظ فضل يدخل في خناقات معانا علشان محمود الخطيب، وفجأة اتوجله الشكر".

وأضاف: "كان لازم يا شيكابالا تقول لممدوح عباس، ارفع الحجز علشان ندفع غرامة سبورتينج لشبونة، وبعدين احجز على النادي تاني".

وشدد مرتضى منصور: " مش عايز أقول إن شيكابالا سبب إيقاف قيد الزمالك، علشان محدش يفتكر إن واخد موقف ضده".

وأوضح: "لكن شيكابالا بعد ما مشي من الإسماعيلي، مكنش فيه لاعب أصلا واللي رجعته من جديد، ولما رجع الزمالك جهزتله مؤتمر صحفي بس هو مجاش، وكان مستخبي في الفيلا بتاعي".

وواصل: "أكتر مشكلاتي في الزمالك سببها دفاعي عن شيكابالا، وأنا بقوله ركز في الملعب، ومتضيعيش السنوات اللى باقية برة الملعب".

واختتم مرتضى منصور: "أقول لشيكابالا ملكش دعوة برئيس الزمالك، لو كنت عايز تقول رأيك الشخصي، كنت تحضر الاجتماع زي باقي اللاعبين".