ماجدة خير الله: الناس بتشتم بعض في «سيب وأنا أسيب» كأنه هزار وخفة دم

مسلسل سيب وأنا أسيب

أعربت الناقدة ماجدة خير الله، عن استيائها الشديد من مسلسل سيب وأنا أسيب، الذي يعرض حاليا عبر منصة شاهد الرقمية، موضحة أن ما أزعجها هو الأداء المبالغ فيه للشتائم وتكرار النجمة هنا الزاهد بنفس الأداء.

أحمد السعدنى وهنا الزاهد فى سيب وأنا أسيب

وتابعت ماجدة خير الله، خلال مداخلة هاتفية في برنامج "تفاصيل"، الذي تقدمه الإعلامية نهال طايل، عبر قناة صدى البلد 2، "اللي ضايفني في مسلسل سيب وأنا أسيب حاجتين.. الحاجة الأولى هي تكرار الشتائم.. الناس بتشتم بعضها في المسلسل كأنه هزار وده شي منبوذ جدا كنوع من أنواع خفة الدم وده بيحصل طول الوقت في المسلسل والحاجة التانية هو تكرار هنا الزاهد بنفس الأداء في كل مرة".

الناقدة ماجدة خير الله

وأضافت ماجدة خير الله، "أنا مقدرش أقول ده نص مكتوب ولا اجتهاد من الممثلين ولو كان اجتهاد من الممثلين فين المخرج وائل إحسان من اللي بيحصل ده.. رنا أبو الريش عملت مسلسل قبل كده والناس كلها أشادت بيه وهي قالت أنا مكتبتش الكلام ده ودي مشكلة تانية".

حلقات مسلسل سيب وانا اسيب

واختتمت ماجدة خير الله :"في جنوح في تصرفات الأبطال في المسلسل ومستوى الحوار متدنى وإدعاء خفة الظل ودي حاجات خلتني اتكلم عن اللي بيحصل.. كلام سخيف مينفعش يتقال من ممثلة أو حتى راجل".