عصام كاريكا: «عمرو مصطفى بيعمل مشاكل هتنسيه التلحين.. وعزيز الشافعي نمبر 1»

تحدث الملحن والمطرب عصام كاريكا، عن تصرفات عمرو مصطفى خلال الفترة الماضية، مشيدًا بأداء الملحن عزيز الشافعي.

وأكد عصام كاريكا: لـ برنامج زوم ونص، المذاع عبر شاشة قناة هي، والتي تقدمه الإعلامية نورهان عبد الفتاح، أن عمرو مصطفى من أهم الملحنيين في الساحة الغنائية، ولكنه أخطأ بالخلافات التي نشبها مع المطربين.

وأوضح عصام كاريكا: أتجاه عمرو مصطفى للمشاكل خلال الفترة الأخيرة مع النجوم هتخليه ينسى التلحين، وعامل مشاكل مع الأستاذ محسن جابر وعمرو دياب، يمكن هو عنده وجهة نظر وصح.

وتابع: كتر مشاكل عمرو مصطفى مع الفنانين هتخليه ينسى التلحين، وأنصحه أنه يركز في الشغل، وادى النجوم ومتحطش شروط وماتقولش لحد يلا بالسلامة، لما ده بالسلامة وده بالسلامة هتلاقي نفسك في الآخر بتلحن لناس عادية.

وعن رأيه في عمرو مصطفى كملحن، قال عصام كاريكا: عمرو ملحن عبقري وكاتشي أوي وهتلاقي عنده جمل تقوم لازقة مع الناس زي أغنية بشرة خير.

وأشاد عصام كاريكا بالمحلن عزيز الشافعي، إذ قال: عزيز الشافعي أخويا وأستاذ كبير، وبعتبره نمبر وان في التحلين في الوقت الحالي.

وعن الملحن محمد رحيم، قال: "رحيم عنده جمل أنا كملحن لما بسمعها بقوله يخربيتك أنت مش هتنيمني، أنت إزاي عملتها".